Kisi Pathar numa Dil Per Bhi Dastak Ho Hi jati Hai
k Hasrat Jaag jae Tou Qayamat Ho Hi Jati Hai
Kisi Anjaan Chehray Se Kisi Pur Lutf Lamhay Main
Jo Karna Na Bhi Chaho Tou Muhabbat Ho Hi Jati Hai
Kisi Khamosh Chehray Se Musalsal Ashk Behnay Per
Chupana Bhi Agar Chaho Wazahat Ho Hi Jati Hai
Kisi K Dur Janay Per Ummedain Toot Janay Se
Wafa Main Rog Milnay Ki Shikayat Ho Hi Jati Hai
Ye Tumne Bhi Suna Ho Ga Zamana Aisay Kehta Hai
K Jab Bhi Ishq Hota Hai Baghawat Ho Hi Jati Hai
No comments:
Post a Comment